PAIYA LO HUNGO LO POLI




PUTRA

Bismilah momulai
Paramisi molo iya
To pomarenda botia
Ode taheha diria 
   
       PUTRI
Bismilah molomulo
Molipu hungo lopoli
Wanu yi’o mulo - mulo
Dewa’u tawoli woli

        PUTRA
Wa’u londo toli – toli
Turusi ode bulota
Molipu hungo lopoli 
Ma tipu wondo dulota
 
        PUTRI
Wanu oditu olemu
Dulo malo tumulalo
Beresi lo sikolamu
Tungu –tungulo dalalo

         PUTRA
To tilayo tohulia
Tau ma hehadiria
Dalalo hiberesia
Bala malo hi cetia 
   
       PUTRI
Totia to hulondalo
Didu ma mo’olawalo
Uberesi malo tanggalo
Uwito bataruwalo
 
       PUTRA
Ito malo mosukuru 
Mosukuru ode eya
Parenda wau aturu
Tolo iya liwuleya
   
         PUTRI
Wa’u londo toli - toli
Turusi ode hulondalo
Mo lipu hungo lopoli
Dewe moli wumbutalo

        PUTRA
Botia to hulondalo
U beresi malolo opo
Wanu didu tahangialo
Amiatia mohindupo

Komentar

Postingan populer dari blog ini

Kepercayaan (Mitos) Di Provinsi Gorontalo

Pantun Gorontalo